كراج منوعات

روميو الصغير، اشترى ورد عيد الحب لـ 68 تلميذة!!!

روميو الصغير، اشترى ورد عيد الحب لـ 68 تلميذة!!!

يا فرحة أمك فيك، يا نيال قلبها على هيك خلفة!

طفل اسمه كالوم، وكل عمره 8 سنوات، وبخبّي من مصروفه كل يوم، عشان يشتري 68 وردة يعطيهن لزميلاته في المدرسة، حتى ما يشعرن بأنهن وحيدات!!

كالوم اشترى ورد من الحرير الاصطناعي، واللي بتعيش إلى الأبد، وبده يوزعه على كل  بنات السنة الدراسية الرابعة بمدرسته بمقاطعة لنكولنشاير الانجليزية!

لا وبعجبكو،  الوردات مش على حساب الوالدة ولا على حساب البابا، لأنه كل شي بجمعه من مصروفه ما بكفي لشراء كل هالورد، الزلمة تعيّب وكسيّب وكل شي بجيبو من عرق جبينه، حتى يجمع حق كل هالوردات اشتغل بمحل جدته لبيع الزهور واشتغل كمان بمحل لغسيل السيارات!!

ومش بس هيك كالوم عنده حبيبة وبقول أنها “هنيّة” وما بتغار من اللي بعمله أبداً، لأنها بتوافقه الرأي بأنه يرسم الابتسامة على وجوه البنات- يعني يرضى عليها ما في أطيب من قلبها!

واذا بتفكروا أنه هاي أول مرة بعملها كالوم، لا الزلمة متعود على هالقصة من أربع سنوات، بس كانت الشغلة مقتصرة على بنات صفه، الآن وسّع المبادرة لتصير كل بنات سنته الدراسية، معه معه بصير لكل بنات جامعته!!

السابق
حل مشكلة استخدام السيبيو الدسك 100% وتعليق الكمبيوتر
التالي
الزواج المدني يثير جدلا واسعا في لبنان ورفض قاطع من دار الفتوى

اترك تعليقاً