حل مشكلة استخدام السيبيو الدسك 100% وتعليق الكمبيوتر

حل مشكلة استخدام السيبيو الدسك 100% وتعليق الكمبيوتر
شارك هذه المقالة مع أصدقائك!

إذا جبت ssd وانحلت القصة فهو لأن السبب (بمعظم الأحيان) من السوبر فيتش. والسوبرفتش ما بتشتغل لما يكون عندك ssd. (بتشوفها شغالة، بس بتعملش اشي).

باختصار، السوبر فيتش بتجيب البيانات من الدسك على الرام عشان تشغيل أسرع للبرامج، والعملية المفروض، بـ أبطأ هارد تاخذ 5 دقايق من لما يشتغل الوندوز(الهارد مافيه مشاكل، ومنزل بعض البرامج عالجهاز).

ببعض إصدارات الوندوز السوبر فيتش كانت تفوت بدوران لا نهائي فـ بتسبب استخدام الدسك العالي طول الوقت.
الحل التقليدي، أو “الحفظ” جيب SSD وخلص.
تعليق بسيط: وندوز 10 لا شك يكره الhdd، بس معظم الناس ماعندها ssd وشغالة طبيعي، فالأخير مش ضروري.

المهم، حدّث الوندوز لآخر اصدار باستخدام Windows 10 Update Assistant.
بالاعدادات، عشان تقلل استخدام الدسك وقف التاليات:
System-Multitasking(Timeline)
Privacy- Activity History.
Privacy- General
Cortana- Permissions & History.
بعدها، لأنك محدث(حدثت النظام)، اعمل Disk cleanup من خصائص قرص النظام، واحذف اللي بنحذف معك.
بعدها، من خصائص القرص، روح على Tools واعمل Optimize للقرص.
هيك بتعمل Defragment ، يعنني تخيل مكتبة كبيرة، الكتب مبعثرة(الملفات) على كل طاولاتها، ييجي أمين المكتبة يرجعهن على صفوفهن واماكنهن المخصصة.
..
وقف الStartup programs عشان تسرع شغل Superfetch.
اعمل ريستارت وبس يشتغل راقب تاسك مانيجر(لا تستخدم الجهاز لاشي). بعض الاجهزة ممكن تحتاج بضعة ساعات ليرجع استخدام الدسك طبيعي(بعد التحديث هالحكي أو إذا كان صارله فترة مش عامل Defragmentation)، بس هاي مرة وحدة.
بالوضع الطبيعي راح يكون مجرد تشتغل الجهاز تستنى سوبرفيتش تخلص، بعدها جهازك برجع طبيعي. وورا كل تشغيل بده(نص دقيقة-بضعة دقايق).

اخيرًا، دائمًا بتقدر توقف سوبر فيتش بس حط بالاعتبار انك بتقلل من قدرات جهازك بهالطريقة التعيسة. وزيادة الرام (8 قياسي) بتفيد كثير وكويس تضاعف الVirtual memory إذا عندك رام أكثر.

‫0 تعليق

اترك تعليقاً